గిద్దె పెరుమాండ్ల స్వామి ఆలయంలో శమీ పూజలో పాల్గొన్న మంత్రి పొన్నం ప్రభాకర్, బొమ్మ శ్రీరామ్ చక్రవర్తి
భీమ్ ఇండియా టుడే న్యూస్ కరీంనగర్: విజయదశమి పర్వదినాన్ని పురస్కరించుకుని కరీంనగర్‌లోని చారిత్రాత్మక, పురాతన గిద్దె పెరుమాండ్ల స్వామి ఆలయంలో నిర్వహించిన శమీ పూజ కార్యక్రమం భక్తిశ్రద్ధలతో జరిగింది. ఈ కార్యక్రమంలో రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్, కరీంనగర్ శాసనసభ్యులు గంగుల కమలాకర్‌తో కలిసి తెలంగాణ రాష్ట్ర మున్నూరు కాపు కార్పొరేషన్ చైర్మన్ బొమ్మ శ్రీరామ్ చక్రవర్తి పాల్గొన్నారు.
ఈ సందర్భంగా స్వామివారిని దర్శించుకుని ప్రత్యేక పూజలు నిర్వహించారు. విజయదశమి పర్వదినం ప్రజలందరి జీవితాల్లో సుఖసంతోషాలు, శాంతిసౌభాగ్యాలు నింపాలని ఆకాంక్షించారు. రాష్ట్రం అన్ని రంగాల్లో అభివృద్ధి సాధించాలని, ప్రజలందరూ ఆయురారోగ్యాలతో, ఐకమత్యంతో ఉండాలని ప్రార్థించారు.
ఈ కార్యక్రమంలో పలువురు ప్రజాప్రతినిధులు, నాయకులు, భక్తులు పాల్గొన్నారు.
