ఉద్యోగుల పదోన్నతుల్లో ఎస్సీ వర్గీకరణ అమలు.. ముఖ్యమంత్రి రేవంత్ రెడ్డికి మాదిగ ఉద్యోగుల సంఘం కృతజ్ఞతలు
భీమ్ ఇండియా టుడే న్యూస్ హైదరాబాద్ ఎస్సీ రిజర్వేషన్ల వర్గీకరణ చట్టాన్ని ప్రభుత్వ ఉద్యోగుల పదోన్నతుల్లో అమలు చేస్తూ ఉత్తర్వులు జారీ చేసిన నేపథ్యంలో మాదిగ ఎంప్లాయీస్ కోఆర్డినేషన్ కమిటీ సభ్యులు ముఖ్యమంత్రి శ్రీ ఎనుముల రేవంత్ రెడ్డి గారిని మర్యాదపూర్వకంగా కలిశారు.
ఈ సందర్భంగా ఉద్యోగుల పదోన్నతుల్లో ఎస్సీ రిజర్వేషన్ల వర్గీకరణ చట్టాన్ని అమలు చేస్తూ ప్రభుత్వం ఉత్తర్వులు జారీ చేయడంపై కమిటీ సభ్యులు హర్షం వ్యక్తం చేశారు. ఈ నిర్ణయం పట్ల ముఖ్యమంత్రి రేవంత్ రెడ్డి గారికి ప్రత్యేకంగా ధన్యవాదాలు తెలియజేశారు.
ఎస్సీ వర్గీకరణ అమలుతో మాదిగ ఉద్యోగులకు పదోన్నతుల విషయంలో న్యాయం జరిగే దిశగా ప్రభుత్వం తీసుకున్న చర్యలను వారు ఈ సందర్భంగా ప్రస్తావించారు. సామాజిక న్యాయం, సమాన అవకాశాల కల్పనలో ఈ నిర్ణయం ప్రాధాన్యతను సంతరించుకుందని పేర్కొన్నారు.
ముఖ్యమంత్రిని కలిసిన వారిలో ఉస్మానియా యూనివర్సిటీ ఆర్ట్స్ కళాశాల ప్రిన్సిపల్ ప్రొఫెసర్ సి. కాశీం, చాకలి ఐలమ్మ మహిళా విశ్వవిద్యాలయం రిజిస్ట్రార్ ప్రొఫెసర్ తదితరులు ఉన్నారు.
ఈ భేటీలో ఎస్సీ వర్గీకరణ అమలుకు సంబంధించిన ప్రభుత్వ నిర్ణయంపై కమిటీ సభ్యులు ముఖ్యమంత్రికి కృతజ్ఞతలు తెలిపారు.
