భీమ్ ఇండియా టుడే న్యూస్ హైదరాబాద్: ఫ్యూచర్ సిటీ పోలీస్ కమిషనరేట్ పరిధిలో మద్యం దుకాణాలను 24 గంటల పాటు మూసివేయనున్నారు. సెప్టెంబర్ 25 ఉదయం 6 గంటల నుంచి సెప్టెంబర్ 26 ఉదయం 6 గంటల వరకు అన్ని మద్యం దుకాణాలు, సంబంధిత విక్రయ కేంద్రాలు మూసివేయాలని పోలీస్ శాఖ ఆదేశాలు జారీ చేసింది.
అయితే స్టార్ హోటళ్లు, రిజిస్టర్డ్ క్లబ్‌లకు మినహాయింపు ఉన్నట్లు అధికారులు వెల్లడించారు.
ప్రజల భద్రతే ప్రధాన లక్ష్యం
ఈ నిర్ణయం ద్వారా ప్రజల భద్రత, శాంతిభద్రతలను మరింత పటిష్టంగా కాపాడేందుకు చర్యలు తీసుకుంటున్నట్లు ఫ్యూచర్ సిటీ పోలీస్ కమిషనర్ తరుణ్ జోష్ తెలిపారు. ప్రజల కోసం మరింత సురక్షితమైన వాతావరణాన్ని కల్పించే దిశగా పోలీస్ శాఖ కొత్త విధానాలతో ముందుకు సాగుతోందని పేర్కొన్నారు.
ప్రజలకు పోలీసుల సూచన
మద్యం దుకాణాల మూసివేత సమయంలో నిబంధనలను ప్రతి ఒక్కరూ పాటించాలని పోలీసులు సూచించారు. నిబంధనలను ఉల్లంఘించి మద్యం విక్రయాలు జరిపితే చట్ట ప్రకారం చర్యలు తీసుకుంటామని హెచ్చరించారు.
ప్రజల సహకారంతో శాంతియుత వాతావరణాన్ని కొనసాగించడంతో పాటు, భవిష్యత్‌లో ప్రజల భద్రతకు మరింత ప్రాధాన్యతనిస్తూ అవసరమైన చర్యలు చేపడతామని పోలీస్ అధికారులు తెలిపారు.
