విద్యార్థుల మధ్య జరిగిన గొడవను ఆపేందుకు బెత్తం

భీమ్ ఇండియా టుడే స్పెషల్ స్టోరీ విద్యార్థుల గొడవను ఆపే క్రమంలో బెత్తం వాడి జైలుపాలైన ఒక ఉపాధ్యాయుడి మనోవేదన…. 🥺😢

విద్యార్థుల మధ్య జరిగిన గొడవను ఆపేందుకు బెత్తం ఉపయోగించినందుకు రెండు రోజులు పోలీస్ స్టేషన్ వరండాలో గడపాల్సి రావడం, ఆ తర్వాత ₹15,000 పరిహారం కూడా చెల్లించాల్సి వచ్చిన వాయనాడ్ విజయ హయ్యర్ సెకండరీ పాఠశాల ఉపాధ్యాయుడి ఆవేదనతో కూడిన రాత.

ఇన్నేళ్లు ఉపాధ్యాయుడిగా పనిచేసినా రాని అవగాహన, ఈ రెండు రోజుల్లో నాకు వచ్చింది. అందుకు విద్యార్థులకు, తల్లిదండ్రులకు, రాజకీయ నాయకులకు నా కృతజ్ఞతలు.

నేటి కాలంలో ఉపాధ్యాయుడికి అధికారమూ లేదు, హక్కులూ లేవు; కేవలం బాధ్యత మాత్రమే ఉంది అనే విషయం నాకు అర్థమైంది.

ఇకపై విద్యార్థులు ఒకరినొకరు కొట్టుకున్నా, తప్పుడు దారిలో నడిచినా, చదివినా చదవకపోయినా, పరీక్షల్లో కాపీ కొట్టినా, పాఠశాల ఆస్తిని ధ్వంసం చేసినా, మత్తుపదార్థాలు తీసుకున్నా.. ఏం చేసినా కళ్ళు, చెవులు మూసుకుని కేవలం జీతం తీసుకుని ఇంటికి వెళ్తే చాలు అనే పాఠాన్ని ఈ సమాజమే నాకు నేర్పింది.

నేను చేసిన చిన్న శిక్షను ప్రతి ఒక్కరూ గంటకోసారి భూతద్దంలో పెట్టి చూపిస్తూ, అదో భయంకరమైన నేరం అన్నట్లు చిత్రీకరించడాన్ని కూడా చూశాను.

ఇకముందు ఎలాంటి బాధ్యతల ఒత్తిడి లేకుండా, పాఠం చెప్పడం ముగించుకుని ఇంటికి వెళ్లిపోయే ఉపాధ్యాయుడిగా ఉండటమే మంచిదని భావిస్తున్నాను.

అందుకే, ఇకపై నేను ఎవరినీ సరిదిద్దడానికి ప్రయత్నించబోనని ఈ సమాజానికి, నా ప్రియమైన విద్యార్థులకు తెలియజేస్తున్నాను. దీనివల్ల నాకు ఒక రకమైన మనశ్శాంతి దొరికింది. శుభం.

తదుపరి భాగం: పాఠశాల పిల్లలను తమ సొంత బిడ్డల్లా భావించి, వారిని మంచి మార్గంలో నడిపించాలని చూసిన ఒక నిజాయితీపరుడైన ప్రధానోపాధ్యాయుడిని బలిపశువును చేసిన విద్యార్థులకు, తల్లిదండ్రులకు మేము (ఉపాధ్యాయులం) క్షమాపణలు చెబుతున్నాము. మిమ్మల్ని మా సొంత పిల్లల్లా చూడటం మేము చేసిన తప్పు, మిమ్మల్ని సరిదిద్దాలని చూడటం ఇంకా పెద్ద తప్పు. క్లాస్‌రూమ్‌లలో అబ్బాయిలు-అమ్మాయిలు కలిసి మద్యం సేవించడం, చెడు సావాసాల వైపు వెళ్లడం సరైనది కాదని చెప్పి, వారిని మార్చడానికి ప్రయత్నించడం పిల్లల హక్కుల ఉల్లంఘన, మానవ హక్కుల ఉల్లంఘన అవుతుందని మేము గ్రహించలేకపోయాము. అందుకు మమ్మల్ని క్షమించండి పిల్లలూ… క్షమించండి.

ఒక్క విషయం గుర్తుపెట్టుకోండి; మీ ఏడు తరాల మంచి కోసం ఆ దేవుడిని ప్రార్థించండి, ఆ దేవుడే మిమ్మల్ని క్షమించాలి.

ఈ సందేశాన్ని మంచి తల్లిదండ్రులకు చేరేలా చూడండి. కనీసం వారిలోనైనా ధర్మబుద్ధి మిగలాలి. వివేకం లేని ఇలాంటి చట్టాలనే మొదట మార్చాల్సి ఉంది.

ఈ పోస్ట్‌ను ఏదో మామూలు సందేశంలా భావించి నిర్లక్ష్యం చేయకండి. కాస్త సమయం తీసుకుని చదవండి, ఆలోచించండి. ఇది ఒక ఉపాధ్యాయుడి మనసులోని తీవ్రమైన వేదన నుండి వచ్చిన ఆవేదన పూరిత మాటలు..