వరంగల్‌లో డీజీపీ సీవీ ఆనంద్‌కు ఘన స్వాగతం

వరంగల్‌లో డీజీపీ సీవీ ఆనంద్‌కు ఘన స్వాగతం.                                           ఉమ్మడి వరంగల్ జిల్లా పర్యటనలో భాగంగా పోలీస్ కమిషనర్ కార్యాలయానికి డీజీపీ రాక

భీమ్ ఇండియా టుడే న్యూస్ వరంగల్: ఉమ్మడి వరంగల్ జిల్లాల పర్యటనలో భాగంగా తెలంగాణ రాష్ట్ర డీజీపీ సీవీ ఆనంద్, ఐపీఎస్ శనివారం వరంగల్ పోలీస్ కమిషనర్ క్యాంపు కార్యాలయాన్ని సందర్శించారు. డీజీపీ పర్యటన సందర్భంగా పోలీస్ శాఖ ఆధ్వర్యంలో ప్రత్యేక ఏర్పాట్లు చేశారు. పోలీస్ కమిషనర్ కార్యాలయానికి చేరుకున్న డీజీపీ సీవీ ఆనంద్‌కు వరంగల్ పోలీస్ కమిషనర్ ఎన్. శ్వేత, ఐపీఎస్ ఘన స్వాగతం పలికారు.          ఈ సందర్భంగా పోలీస్ కమిషనర్ ఎన్. శ్వేత డీజీపీ సీవీ ఆనంద్‌కు పూల మొక్కను అందజేసి ఆత్మీయంగా స్వాగతం పలికారు. అనంతరం డీజీపీకి సాయుధ పోలీసు సిబ్బంది గౌరవ వందనం సమర్పించారు. డీజీపీ సీవీ ఆనంద్ గౌరవ వందనాన్ని స్వీకరించారు.               

 పోలీస్ ఉన్నతాధికారుల మర్యాదపూర్వక భేటీ డీజీపీ పర్యటన సందర్భంగా జనగామ జిల్లా కలెక్టర్, టీజీ ఎన్పీడీసీఎల్ చైర్మన్‌తో పాటు పలువురు పోలీస్ ఉన్నతాధికారులు డీజీపీ సీవీ ఆనంద్‌ను మర్యాదపూర్వకంగా కలిశారు. ఈ సందర్భంగా అధికారులు ఆయనకు మొక్కలను అందజేసి అభినందనలు తెలిపారు.          డీజీపీ పర్యటన నేపథ్యంలో వరంగల్ పోలీస్ కమిషనరేట్ పరిధిలోని పోలీసు అధికారులు, సిబ్బంది అప్రమత్తంగా వ్యవహరించారు. ఉన్నతాధికారుల రాకతో పోలీస్ కమిషనర్ కార్యాలయంలో సందడి నెలకొంది.           ఉమ్మడి వరంగల్ జిల్లా పర్యటనలో భాగంగా డీజీపీ సీవీ ఆనంద్ పోలీస్ శాఖకు సంబంధించిన పలు అంశాలపై అధికారులతో చర్చించే అవకాశం ఉండటంతో పోలీసు అధికారులు ఈ పర్యటనకు ప్రాధాన్యతనిచ్చారు. డీజీపీ పర్యటన సందర్భంగా పోలీస్ అధికారులు సమన్వయంతో వ్యవహరించారు.

పోలీస్ శాఖలో ఉన్నతాధికారి పర్యటన సందర్భంగా మొక్కను అందజేసి స్వాగతం పలకడం పర్యావరణ పరిరక్షణకు ప్రాధాన్యతనిచ్చే సందేశాన్ని కూడా అందించింది.